monumenta.ch > Hieronymus > Matthaeus, 26 > sectio 18 > sectio 4 > sectio 14 > csg48.302 > 257 > sectio > 65 > Matthaeus, 16 > Genesis, 27 > 195 > uwbM.p.th.f.69.122 > csg75.840 > sectio 6 > Isaias, 11 > sectio 9 > bsbClm6224.305 > bnf10439.69 r > sectio 29 > Proverbia, 14 > csg48.51 > csg68.404 > 12 > bsbClm6224.310 > sectio 23 > bnf9389.44 > sectio 57 > sectio 7

Word Selection for Searching

Report an Error in this Sectio
Seneca Maior, Controversiae, 7, 1, 7
CORNELI HISPANI. Fateor, volui occidere sed tunc intellexi, quam difficile esset parricidium. 'Ego' inquit 'patrem occidere volui? ne nunc quidem possum. ' Pater noster navigavit sereno die, tranquillo mari, auspicato itinere, integra nave. quid hoc est? felicius navigavit damnatus quam qui damnaverat. 'Vade' inquit; 'patrem te habere mihi non licuit: habebo patronum. revertere. ' magnum pietatis argumentum filio carus pater etiam post supplicium! utrum vobis videtur innocentiam apud piratas didicisse an ne apud piratas quidem perdidisse? ARELLI FUSCI patris. Potuit patrem occidere: ecquem testem timebat? Abdicatus a patre quo me conferam? in maria non possum: iratos habeo piratas. Cum traditus est mihi frater, imperatumque, ut sumerem supplicium, si qua est fides, temptari me putavi, an possem parricidium facere.